Кратки филмови од Дизни 1 DISNEY SHORTS I.

Од студијата за анимација на „Волт Дизни“ пристигнува неверојатната збирка од наградувани и омилени кратки филмови. ТРЕСКА ВО СНЕЖНОТО КРАЛСТВО: Роденден ѝ е на Ана, а Елза и Кристоф се решени да ѝ ја организираат најдобрата прослава досега, но кога Елза настинува, нејзините ледени моќи може да ја уништат забавата, но и многу повеќе од тоа. СИНИОТ ЧАДОР: Ова е уште еден обичен ден во сообраќајот, но тогаш почнува да врне и градот оживува преку звуците на дождовните капки, олуците и атмосферската канализација. Во сето тоа, два чадора, еден син и еден што не е син, се вљубуваат. ПОТСКОКНУВАЊЕ: Една овца гордо танцува низ пејзажот, но еден ден нејзината волна е истрижена и таа останува гола. Овцата е депресивна и засрамена, но потоа доаѓа еден полузајак-полуелен и ја учи како гордо да си потскокнува и да не се срами. ДЕН И НОЌ: Кога Денот ја среќава Ноќта, почнуваат да летаат искри! Но кога сомнежите се претвораат во љубопитност, тие откриваат дека ова пријателство може на светот да му понуди нова перспектива. ЗА ПТИЦИТЕ: Едно јато од мали птици полека се реди на телефонска жица. Тие и онака веќе се настискани на жицата, но тогаш доаѓа една голема птица што сака да им се придружи. Птиците почнуваат да ја исмеваат...