Каде што се дивите WHERE THE WILD THINGS ARE

Кралот Макс владее со чудесниот свет на џиновските, влакнести чудовишта--но, да се биде крал можеби и не е толку безгрижно како што изгледа! Во сите нас живее... сѐ што имаме некогаш видено, сѐ што некогаш имаме сторено и живеат сите кои некогаш сме ги сакале. Иновативниот режисер, Спајк Џонзи соработува со прославениот автор, Морис Сендак, за да ја донесе една од најомилените книги на сите времиња на големиот екран, со филмот „Каде што се дивите“, класична приказна за детството и местата каде одиме за да го разбереме светот во кој живееме. Филмот ја раскажува приказната за Макс, надуеното и чувствително момче кое се чувствува несфатено во својот дом и бега во местото „Каде што се дивите“. Макс пристигнува на еден остров каде се среќава со мистериозни и чудни суштества чии чувства се диви и непредвидливи како и нивните постапки. „Дивите“ очајно посакуваат некој кој ќе ги води, исто како што Макс посакува кралство за владеење. Кога Макс е крунисан за крал, тој ветува дека ќе создаде место каде сите ќе бидат среќни. Сепак, наскоро Макс дознава дека владеењето со неговото кралство не е толку лесно и неговите тамошни врски се покажуваат како посложени од она што го мислел.