Наскоро на 
Корисник (1)
3 /
5
Еден чуден сојуз помеѓу двајца специјални агенти – едниот е американски одметник, а другиот е елитен британски шпион – ја сочинува вртоглавата акција и возбудливата напнатост на „Повратен удар“, првата драмска серија на „Синемакс“.
Драмската серија „Повратен удар“ е енергичен глобален трилер со приказни украдени од денешните наслови и се фокусира на двајца членови на тајната антитерористичка организација, позната како „Сектор 20“: Мајкл Стоунбриџ, британски наредник и Дамиен Скот, поранешен американски специјалист.
Сезоната од 10 епизоди ги прикажува Стоунбриџ (Филип Винчестер) и Скот (Саливан Стејплтон) додека патуваат низ светот барајќи го смртоносниот меѓународен терорист по име Латиф, кој планира голем напад со оружје за масовно уништување, што би можело да има реперкусии на светско ниво. Серијата е секси, полна со напнатост и акција и се одвива на егзотични локации и содржи многу перипетии и пресврти додека двајцата протагонисти патуваат во Њу Делхи, Кејптаун, Дарфур и на многу други места, со цел да ги осуетат злобните намери на терористите кои сакаат да донесат анархија и уништување на нашата планета.
Епизода 7:
Една мисија на „Оддел 20“ во Виена доживува диверзија кога тимот дознава дека четворица службеници на ЕУ - вклучително и агентот на МИ6, Џон Ален, кој има сознанија од прва рака за Латиф и проектот „Зора“, се киднапирани на Косово. Зад киднапирањето на Косово стои дилерот на хероин, Фатмир Хасани, кој бара ослободување на неговиот роднина, Агим Рама, кој е терорист затворен за повеќе меѓународни напади. Под надзор на КФОР предводен од американскиот мајор Донахју, Скот и Стоунбриџ летаат со Рама во една косовска шума, во обид да ја направат размената. Но, една непредвидена престрелка го претвора местото во хаос и напорите на Скот и Стоунбриџ да избегаат со заложниците паѓаат во вода кога стигнуваат на локацијата на која треба да биде КФОР, а таа е напуштена. Скот и Стоунбриџ ја наоѓаат фабриката на хероин на Хасани, каде се надеваат дека ќе украдат камион за да ја пренесат групата на безбедно место. Но, десетиците непријателски расположени чувари, а и неколкумина неочекувани натрапници, претставуваат тешка пречка за бестрашната двојка.
Се емитува
Во моментов не е во распоредот
Повратен удар
