Артур се потпира врз своето богатство и мудроста на својата дадилка за да не влезе во неволи, но сега се соочува со најголемиот предизвик во животот. Тој треба да избере помеѓу својот раскошен живот и единствената жена што ја сака.
Режисерката Хавана Маркинг се враќа во Авганистан поради злогласната Сетара, учесничка на популарното шоу за таленти „Авганистанска ѕвезда“. Филмот прикажува каде е Сетара и како влијаеше нејзиниот контроверзен настап врз нејзиниот живот.
Згодниот и шармантен фармацевтски претставник Џејми се вљубува во веселата Меги која е жена со слободен дух. Иако и двајцата мислеа дека никогаш нема да се вљубат, заедно откриваат дека хемијата помеѓу нив е помоќна од која било дрога.
Комплексен и искрен портрет на едно од најинтригантните и најзлогласни династички семејства. Џереми Ајронс се враќа во улогата на итриот патријарх на семејството Борџија, кој станува папа Александар VI.
Рејчел е несреќна и сама, додека нејзината најдобра пријателка Дарси, која е свршена, постојано ја потсетува на тоа. Но, по неколку пијалаци, добрата девојка Рејчел неочекувано завршува во кревет со Декс, кој е свршеникот на Дарси...
Психолошки научно-фантастичен филм за крадец кој има моќ да влезе во сништата на другите. Дом Коб (Леонардо Дикаприо) не краде работи, туку идеи. Во светот на корпоративната шпионажа, тој е најдоброто оружје...Почитуваниот режисер, Кристофер Нолан („Темниот витез“) предводи меѓународна актерска екипа во филмот „Почеток“, оригинална научно-фантастична акција која нè води низ планетата и во интимниот и бескраен свет на сништата. Дом Коб (Леонардо Дикаприо) е вешт крадец, највештиот во опасната уметност на „извлекувањето“: крадењето вредни тајни од длабочината на потсвесното при состојба на сон, кога умот е најранлив. Ретката способност на Коб го прави посакуван играч во овој опасен нов свет на корпоративната шпионажа, но поради тоа е и меѓународен бегалец и ризикува сè што некогаш сакал. Коб сега добива шанса за избавување. Само една задача може да му го врати животот, но само доколку го постигне невозможното. Наместо совршениот грабеж, Коб и неговиот тим од специјалисти треба да го изведат обратното, нивната задача не е да украдат идеја, туку да вградат идеја. Ако успеат, тоа може да биде совршено злосторство.
Но, никакво внимателно планирање или експертиза не може да го подготви тимот за опасниот непријател кој се чини како да го предвидува секој нивен потег. Непријател кој само Коб можеше да го предвиди.
Вашиот ум е местото на злосторот.
Се емитува
Во моментов не е во распоредот
Споделете
Коментари Потребна е Најава или Регистрација за да коментирате!
Дали знаете...? - „Почеток“
... дека за време на продукцијата, сите детали околу филмот биле строго чувана тајна? Кристофер Нолан филмот го опиша како современ научно-фантастичен акционен трилер, „кој е сместен во архитектурата на умот“.
Кој е Леонардо ди Каприо?
Дури 32 филмски улоги стојат зад името на овој младолик актер, кој кариерата ја започнал, како и повеќето негови колеги, со снимање на реклами уште од најмала возраст. Упорните појавувања на аудициите вродиле со плод и веќе како тинејџер започнал да добива улоги во популарни американски ТВ серии. Во 1993 година добил и една од главните улоги во филмот „This Boy's Life“, каде што настапил рамо до рамо Роберт де Ниро и Елен Барклин.
