Артур се потпира врз своето богатство и мудроста на својата дадилка за да не влезе во неволи, но сега се соочува со најголемиот предизвик во животот. Тој треба да избере помеѓу својот раскошен живот и единствената жена што ја сака.
Режисерката Хавана Маркинг се враќа во Авганистан поради злогласната Сетара, учесничка на популарното шоу за таленти „Авганистанска ѕвезда“. Филмот прикажува каде е Сетара и како влијаеше нејзиниот контроверзен настап врз нејзиниот живот.
Згодниот и шармантен фармацевтски претставник Џејми се вљубува во веселата Меги која е жена со слободен дух. Иако и двајцата мислеа дека никогаш нема да се вљубат, заедно откриваат дека хемијата помеѓу нив е помоќна од која било дрога.
Комплексен и искрен портрет на едно од најинтригантните и најзлогласни династички семејства. Џереми Ајронс се враќа во улогата на итриот патријарх на семејството Борџија, кој станува папа Александар VI.
Рејчел е несреќна и сама, додека нејзината најдобра пријателка Дарси, која е свршена, постојано ја потсетува на тоа. Но, по неколку пијалаци, добрата девојка Рејчел неочекувано завршува во кревет со Декс, кој е свршеникот на Дарси...
Кирк, кој е просечен тип, не може да си верува на среќата кога една успешна и прекрасна девојка, Моли, се вљубува во него. Неговите пријатели, неговото лудо семејство, дури и здодевната бивша девојка се еднакво шокирани како и тој.Дваесет и нешто годишниот Кирк Кетнер работи како агент на аеродромското обезбедување на аеродромот во Питсбург. Тој уште се дружи со своите пријатели од средно училиште кои се и негови соработници и посакува да се врати кај својата поранешна девојка, Марни. Сé на сé, Кирк изгледа задоволен да одржува статус кво – сé додека еден ден Моли не мине низ обезбедувањето на аеродромот и случајно не го заборави својот мобилен.
Моли е паметна, култивирана и фатално згодна -- и воопшто не е девојка за Кирк. Кога Кирк љубезно го враќа телефонот, таа нуди да му врати за услугата со карти за хокеарски натпревар, а тој прифаќа, воопшто не помислувајќи дека оваа девојка од соништата го кани на состанок. Тие двајца воопшто не изгледаат како да си одговараат еден на друг, нешто што семејството на Кирк и неговите пријатели постојано му го кажуваат.
Откако е заведен од најубавата жена што ја има сретнато, Кирк конечно почнува да верува во себеси и да размислува за поинаква иднина. Потоа, тој остава катастрофално лош прв впечаток кај родителите на Моли, а врската завршува исто толку брзо како што започнува.
Со „помош“ од неговите пријатели, Кирк започнува обид да си ја врати Моли, што доведува до урнебесни резултати. Поранешното момче на Моли и одеднаш посесивната девојка на Кирк ги усложнуваат работите, а Кирк се обидува да докаже дека со доволно напор, љубовта може да ги надмине сите разлики.
Се емитува
Во моментов не е во распоредот
Споделете
Коментари Потребна е Најава или Регистрација за да коментирате!
