Во филмот, ирскиот актер портретира работник на нафтена платформа кој заедно со колегите, по авионската несреќа, се наоѓаат заробени на Арктикот. Таму започнува вистинска борба за преживување, додека чопор волци им е постојано зад петици.
За време на снимањето, режисерот Џо Карнахан и предложил на екипата да јаде волчјо месо за да може полесно да се соживее со улогите. Нисон призна дека толку му се допаднало јадењето што не можел да престане да јаде.
Но, нивните коментари предизвикаа лавина критики од страна на здружението „PETA“ кое ги повикува вљубениците во филмот да не одат на проекциите на „The Grey“ во знак на протест.
Во изјавата на „PETA“ стои: „Љубезниот однос на Нисон кон животните комплетно се разликува од остатокот на светот...немојте само да вртите со глава. Свртете му грб на „The Grey“.
